年頭睇完欲罷不能嘅BL之後，作為「腐」導小組初哥嘅丫仁曾經問過「腐」導主任們點解唔覺有GL動畫/電視...

年頭睇完欲罷不能嘅BL之後，作為「腐」導小組初哥嘅丫仁曾經問過「腐」導主任們點解唔覺有GL動畫/電視劇/戲嘅？點知過了不久，水原希子就出咗呢部以女女she she為主題嘅戲。丫仁的確係YouTube乜都會睇LGBTQ+咩都會望兩眼，但呢套震撼了我的眼球！！雖然個故事節奏好慢，驚喜的是水原希子除咗有露點演出外，仲有血腥嘅殺人案同埋○○戲添！齋睇搞嘢嘅部份都值回票價。丫仁雖然每日喺診所都睇住好多血淋淋切割胴體，水原希子仍然俾咗震撼嘅感覺喎！相反，成田凌同Johnny’s 大倉個套《窮竄》小弟睇咗頭5分鐘就頂唔順睇唔落去🤭

同朋友討論BL同GL嘅時候，唔明點解《處男魔法師》可以拍到糖分咁高，呢部要扭曲人生觀，殺人放火金腰帶都做齊！之前秋元康監督嘅《リモートで殺される》（仁譯：遙控被殺）都係GL，講前田敦子同本田翼曾經相愛、背叛、被排擠再殺人都係好扭曲呢😂GL有無高純度糖份高劇情呢？

大家仲有冇一啲提供俾小弟研究吓？我睇呢一套戲嘅時候邊睇邊鬧個第二女主角，佢都幾渣滓自私

---